Gabonetako oporraldiaren ostean itzuli da berriro ere Gipuzkoako Herri Txikietako Liga, nahiz eta infantil-kadete mail amo Txalburuk / Errezil partida astebetez atzeratu behar izan den.

Beste neurketan, Bidania-Goiatzek 12-5 irabazi zion Gaeli, nahiz eta azken hauek
aurretik hasi ziren markagailuan. Gero etxekoek baloi geldietan min handia egin zuten.

Alebinetan derbia izan zen Ikaztegietan, eta 5-5 berdindu zuten. Hala ere Ikaztegieta Baliarrainek lehen postuan jarraituko du. Etxeko bezela aritu zen Ikaztegietak neurketa bikaina egin zuen, baina liderra oso pattal aritu zen, eta galtzea ere merezi
izan zuen, baina partida amaitzear zegoela lortu zuen berdinketa.

Abaltzisketako Txalburuk izan da orain sailkapeneko bigarren postura igo dena, Bidanian 3-7 irabazi ostean, eta Igeldok Leaburun 10-2 galdu zuela baliatuz.

Benjaminetan, Igeldok jarraituko du lehen postuan Leaburun 4-5 irabazi ostean. Zuri-berdeei sufritzea egokitu zitzaien, baina hiru puntuak eskuratu zituzten. Bigarren Bidania-Goiatzek jarraituko du, nahiz eta 2-2 berdindu zuen etxean Txalburukekin.
Azkenik, Baliarrain-Ikaztegietak 2-6 irabazi zuen Altzon.