Kopako bigarren jardunaldia jokatu da, eta finalera iritsi aurretik jardunaldi bakarra geratuko da. Beraz, hasi dira lehen finalistak ezagutzen. Infantil-kadete mailan, Lizartza-Orexak lortu du txartela.

Joenako emaitza errepikatu zuen Bidania-Goiatzen aurka, eta berriro ere 9-7 irabazi zion. Beste finalerdian, igandean joanekoa jokatu zen, eta Ikaztegietak 9-5 irabazi zion Errezili.

Alebinen A Kopan, bi multzo dira. Bikoitian, Lizartza-Orexak lortu du finalerako txartela,
itzulerako partida ere irabazi ostean. 5-4 hartu zuen mendean Bidania-Goitaz.

Beste multzoa bakoitia da, eta itzuli bateko ligaska ari dira jokatzen. Ikaztegietak 6-9 irabazi zuen Abaltzisketan Txalburuken aurka. Azken talde honek ez du ez finalik ez eta
hirugarren eta laugarren posturako lehiarik jokatuko.

B Kopan hiru talde ari dira, eta bigarren jardunaldian Ikaztegieta-Baliarrainek 8-6 irabazi zion Igeldori partida bikain baten ostean.

Benjaminen A Kopa ere hirukoa da, eta Igeldok finalean izateko sekulako pausoa eman zuen
2-9 Bidania-Goiatzi irabazita.

B Kopan lau talde dira, eta hemen bai, finala erabakita dago, izan ere aprilaren 12an Lizartza-Orexa eta Baliarrain-Ikaztegieta neurtuko dira.

Lizartza-Orexak itzulerakoa ere irabazi egin zion Igeldo B-ri, oraingoan 4-1, eta Baliarrain-Ikaztegietak aurka zuen aldeari buelta eman zion, 4-0 Leabururi irabazita. Bi galtzaileek jokatuko dute hirugarren eta laugarren postuaren lehia.

Argazkia Lizartza-Orexa / BIdania-Goiatz haurren-kadete.

FVFS