Igandean amaitu da Gipuzkoako Herri Txikietako Liga. Orain dela bi aste benjaminen eta Infantil-kadete mailetan baukatu zen, eta asteburu honetan alebinetan, nahiz eta dena erabakita zegoen.

Alebinen azkeneko jardunaldira Ikaztegieta liga segurtatuta iritsi da, eta hala ere
garaipenarekin amaitu du, Igeldori 7-2 irabazita. Partida hasi bezain azkar aurreratu da etxeko taldea, eta atsedenera 3-0koarekin joan dira. Bigarenaren hasieran beste hiru gol sartu eta neurketa erabaki du. Igeldok markagailua laburtu du, baina marroi-urdinek zazpigarrena sartu dute.

Bidania-Goiatzek ere bigarren postua segurtatuta zeukan, baina ez zuen hutsik egin Lizartzan, 5-9 irabazi baitzuen. Etxeko taldeak kolokan zeukan hirugarren postua, baina Txalburuk irabazi ez zuenez, bere horretan amaituko du. Jokin Agirretxe nabarmendu zen
berriro ere, sei gol sartuta. Azkenik, Ikaztegieta-Baliarrainek irabazi gabe amaitu du Liga, berdindu egin baitzuen Txalburukekin 4-4.

Txapelketako talderik gazteenak neurketa ona egin zuen, eta bi aldiz ere izan zen markagailuan aurretik, baina atzetik ere bai, eta emaitza justuena izan zen. Txalburukek aukera zeukan hirugarren geratzeko, baina irabazi ez zuenez, laugarren geratu da.

Alebinetan hirugarren aldiz jokatu da txapelketa, eta lehen aldiz talde guztiek lortu
dituzte puntuak, aurten azken sailkatuak ere hiru lortu baititu.

Liga amaituta, datorren astean mikrofutsaleko zirkuitoko bigarren jardunaldia jokatuko da, hasiera batean Itsasondon, eta hemendik bi astera abiatuko da Kopa. Hasiera batean, apirilaren 12an jokatuko lirateke finalak, eta egun horretan egingo dira baita ere ligako sari
banaketak.

Mikrofutsaleko azkeneko saioa maiatzaren erdian izango dira. Txapelketa honen helburua talde mistoak izatea da, baina aurten benjaminen eta alebinen mailetan hori ez da posible izan, baina aurreneko talde mistoentzat ere saria izango da. Infantil-kadetetan, berriz, talde gutziak izan dira mistoak.

Infantil-kadetetan Ikaztegieta izan da txapelduna. Alebineta Ikaztegieta izan da txapelduna, eta baita lehen talde mistoa ere. Benjaminetan, berriz, Txalburuk izan da txapelduna, eta Igeldo lehen talde mistoa.

 Argarki Ikaztegieta / Baliarrain.

FVFS