Pasa den asteburuan amaitu dira benjamin eta infantil-kadete mailako ligak, baina hor dena erabakita zegoen. Asteburu honetan, ordea, alebinen liga erabaki da, nahiz eta oraindik jardunaldi bat geratzen den amaitzeko, eta hori Ikaztegietarentzat izango da. Infantil-kadete mailan, pasa den astean atzeratu zen partida jokatu zen Ikaztegietan.

Etxeko taldeak liga irabazita zeukan, eta Errezilek bigarren postua zuen jokoan, horretarako irabazi behar bazuen ere. Azkenean, 7-4 amaitu zen partida, baina horretan Jokin Lakuntzak, Ikaztegietako atezainak, zer ikusi handia izan zuen, partida handia egin baitzuen.

Alebinetan gauza kuriosoa gertatu zen, izan ere partida guztiak berdinean amaitu baitziren, orain arte ez zen inoiz gertatu txapelketa honetan. Tartean, atseden zuen taldeak, Ikaztegietak, Liga irabazi du, izan ere bigarrenak Bidania-Goiatzek, 4-4 berdindu baitzuen etxean Leabururen aurka.

Txalburuk eta Lizartza-Orexak 5-5 berdindu zuten, berriz, eta oraindik azkeneko jardunaldian hirugarren postua izango dute jokoan.

Sailkapeneko azkeneko biek, Igeldok eta Ikaztegieta-Baliarrainek, 3-3 bedindu zuten, partida eder baten ostean.

Benjaminetan, berriz, alde handiak egon dira. Txalburuk jadanik liga irabazita zeukan, eta 10-0 irabazi zion Lizartza-Orexari.

Bidania-Goiatzek, berriz, 11-0 irabazi zion Leabururi.

Datorren astean atseden izango da, iñauteriak direlako. Ondoren etorriko da alebinen
azkeneko jardunaldia, eta gero mikrofutsaleko bigarrena, maila guztietan Kopa hasi aurretik.

 Argazkia Igeldo / Ikaztegieta-Baliarrain