Ikaztegieta taldearentzat izango da denboraldiko lehen tituloa, izan ere infantil-kadete mailako liga segurtatuta utzi zuen Bidanian, nahiz eta oraindik amaitzeko beste jardunaldi bat falta den.

Ikaztegietarrek 4-7 irabazi zuten Bidanian partida eder baten ostean.

Neurketa azken minutuetan erabaki zen. Errezilek ere Liga irabazteko aukerei eusteko
irabazi egin beharra zeukan, baina 11-1 galdu zuen Lizartzan.

Orain, gainerako hiru taldeek bigarren postua lortzeko borrokatu beharko dute azkeneko jardunaldian, denek baitute horretarako aukera.

Alebinetan ezustea izan zen, izan ere liderrak, Ikaztegietak ezin izan baitzuen Leaburun irabazi, eta 5-5 amaitu zen. Emozioa amaierara arte izan zen, nahiz eta jokoan ez zen partida ona izan.

Orain, Bidania Goitzek bi puntu laburtu du aurka zuen aldea, eta Liga irabazteko itxaropenei eutsi egiten die. 10-3 irabazi dio azken jardunaldian Igeldori.

Agian, partidarik politena, ostiralekoa izan zen, bertan Lizartza-Orexak 10-8 irabazi zion Ikaztegieta-Baliarraini. Hemen ere emozioa bukaerara arte egon zen, bietako edonork izan baitzuen irabazteko aukera.

Ligako talderik gazteenak berriro ere sekulako itxura eman zuen, nahiz eta ezin izan zuen irabazi.

Benjaminetan Igeldok ezustea eman eta denboraldiko bigarren garaipena lortu du, Bidanian 1-3 irabazita.

Hala ere jardunaldi honek berri oso txar bat izan du, izan ere 26 urteko Urtzi Gurrutxaga hil da. Gipuzkoako Ohorezko Mailako Tolosa taldean jokatzen zuen, eta Berioren aurkako partida jokatzen ari zela, bihotzekoak jota hil egin da. Tolosa taldeko entrenatzailea Iker
Dorronsoro da, gure ligako Igeldo taldeko delegatua. Gainera, Urtziren lehengusuetako batek, Ikaztegieta taldean jokatzen du.Gure doluminik sentikorrenak adierazi nahi diegu guztiei.


 FVFS