Alebinen ligan Ikaztegietak liga bideratu egin du, bigarren postuan dagoen Bidania Goiatzi 8-7 irabazita, eta orain bien arteko aldea bost puntura igo da.

Ligako lehen bi sailkatuek oso partida polita eskaini zuten. Lehen zatia etxekoena izan zen, eta atsedenera 6-2 joan ziren.

Bigarrenean, ordea, kanpokoak nagusitu ziren, eta ia partida berdindu ere egin zuten. Ikaztegieta-Baliarrainek ere oso gertu izan zuen denboraldiko lehen garaipena.

Txapelketako talderik gazteenak dena egin zuen Leaburu mendean hartzeko. Aurkariak baino gehiago izan ziren, lau baloi zutoinera bidali zituzten, kanpotarrek atepetik bi
baloi ere atera zituzten, baina Leaburuko atezainak erabaki zuen partida, bere geldialdiekin.

Azkenean, kanpokoek 2-3 irabazi zuten. Azkenik, Txalburuk sailkapenean postu bat egin du gora Igeldon 4-6 irabazita. Partida oso polita eskaini zuten bi taldeek.

Jardunaldi honetan ere argi ikusi da sekulako berdintasuna dagoela talde guztien artean, eta taldeek duten maila ere ikaragarria dela. Benjaminen mailan,

Bidania-Goiatzek oso erraz irabazi zuen Lizartzan etxeko taldearen aurka 2-14 eta Abaltzisketako Txalburuk taldeak 2-7 irabazi zuen Igeldon.

Argazkia Ikaztegieta / Bidania-Goiatz.

FVFS