Alebin mailan, hirugarren urtez jokatuko da aurten mikrofutsal zirkuitoa, hiru jardunaldiz osatutakoa izango da, eta betiko moduan, talderik ez duten herri txikietan jokatuko dira partidak.

Lehen saioa, Ezkio-Itsason jokatu zen, eta Lizartza-Orexa B taldea izan zen onena.

Berrikuntza bat baino gehiago eman dira, izan ere alde batetik Gael taldea arituko da, ligan parte hartzen ari diren talde ezberdinetako jokalariez osatutakoa, eta baita Baliarrain ere arituko da.

Areto futbolean Ikaztegietarekin bat eginda ari dira, baina hemen bakarrik arituko dira, eta beste talde bat, berriz, Ikaztegietakoekin nahastuta arituko da.

Guztira 15 talde ziren parte hartzekoak, baina Ikaztegieta-Baliarrain eta Leaburu B ez ziren agertu, eta bigarren jardunaldia 0 punturekin hasi beharko dute.

Nesketan, berriz, Lizartza-Orexa bakarrik aritu zen, eta mutilekin batera neurtu zen.

Lehenengo, lau multzotan banatuta jokatu zen sailkapen fasea, eta ondoren jokatu zen postuak erabakitzeko ligaska.

Lehen lau postuak erabakitzekotan Lizartza-Orexa B, Txalburuk, Ikaztegieta B eta Gael
lehiatu ziren eta azken sailkapenean ere orden horretan geratu ziren.

Atzetik, Lizartza-Orexa A, Bidania-Goiatz B, Bidania-Goiatz A, Ikaztegieta C, Leaburu A, Baliarrain, Bidania-Goiatz C, Ikaztegieta A eta Lizartza-Orexa neskak sailkatu ziren.

15 talde direla kontuan hartuta, lehen sailkatuak 15 puntu jaso zituen, eta eta horrela joan
ziren puntuak pilatzen.

Azkenekoak, hamahirugarrenak, hiru jaso zituen, eta etorri ez zirenak punturik gabe geratu ziren.

Bigarren jardunaldia ligaren amaieran jokatuko da, eta hirugarrena eta azkena Koparen amaieran.

Argazkia Bidania-Goiatz B / Bidania-Goiatz C

FVFS