Maila handiko neurketak ikusi dira Gipuzkoako Herri Txikietako azken jardunaldian.

Infantil-kadeteen mailan bi partida eder ikusi eta gozateko aukera izan da.

Errezilek lehen garaipena lortu zuen eta liderraren aurka, Ikaztegietaren aurka, gainera, 6-3 irabazita.

Bidanian, berriz, etxeko taldeak eta Lizartza-Orexak 5-5 berdindu zuten. Neurketa amaitzeko hiru minutu falta zirela, kanpokoak 2-4 ari ziren irabazten, baina etxekoek horri buelta eman eta 5-4 jarri ziren, baina azken jokaldian Lizartzak berdindu egin zuen.

Alebinetan, Lizartza-Orexak erraz hartu zuen mendean Txalburuk, 9-2 irabazita.

Ikaztegietan, berriz, sailkapeneko azken bi sailkatuek ikuskizun polita eskaini zuten eta amaieran 6-6 amaitu zen Ikaztegieta-Baliarrainen eta Igeldoren arteko neurketa. Etxekoak 3-0 eta 4-1 aurretik aritu ziren, eta gero kanpoakoek horri buelta eman eta 4-6 jarri ziren, baina etxekoek berdindu egin zuten.

Partida polita izan zen baita Leaburun bertako taldearen eta Bidania-Goiatzen arteko neurketa, eta amaieran kanpokoek irabazi zuten 6-7.

 Benjaminetan aldeak handiagoak izan ziren. 1-7 irabazi zuen Txalburuk Lizartzan, eta 0-11 Bidania-Gioatzek Leaburun.

Argazkia Bidania-Goiatz / Lizartza-Orexa eta infantil cadete.

FVFS