Berriro ere gol ugari ikusi ahal izan dira Gipuzkoako Herri Txikietako Ligan.

Infantil-kadete mailan, lehen jardunaldian atzeratu zen partida berreskuratu zen Bidanian, bertako taldearen eta Errezilen artean.Auzoko bi herriren arteko derbia zen, eta ez zuen hutsik egin, gol asko izan baitziren. Etxeko taldeak 9-7 irabazi zuen. Lehen hiru minutuetan Bidania-Gioatzek hiru gol egin zituen, eta hortxe erabaki zen auzia.

Alebinetan, ikaztegietarren arteko derbia jokatu zen, eta zaharrenek 8-3 irabazi zieten txikienei. Ikaztegieta-Baliarrain da mailako talderik gazteena, eta ez zuten bere herriko lagunen aurkako partidan egunik onena izan.

Txalburuk taldea, berriz, hirugarren posturaino igo da Leabururi 6-3 irabazita. Kanpokoak 0-2 aurreratu ziren, baina gero etxekoek horri buelta eman zioten. Igeldok, aldiz, denboraldiko lehen garaipena erdietsi du, Lizartza-Orexari 5-1 irabazita.

Azken hauek baja asko zituzten, eta etxekoek ez zuten barkatu. Benjaminetan, Txalburuk jarri da lehen postuan Leabururi 10-0 irabazita. Igeldon, berriz, Lizartza-Orexak 2-4 hartu zuen mendean
etxeko taldea.

 FVFS