Sekulako gol festa izan da Gipuzkoako Herri Txikietako Ligako azken jardunaldian.

Infantilk-kadete mailan, 29 gol ikusi dira bi partidetan. Errezilen, bertako taldeak eta Lizartza-Orexak 9-9 berdindu zuten. Errezilgo kantxa ez dago estalita, eta euriak asko lagundu ez baldin bazuen ere, gol pila ederra sartu zituzten. Bi taldeak defenditzen baino gehiago arduratu ziren golak sartzen, eta hortik horrelako emaitza.

Ikaztegieta bakar-bakarrik jarri da sailkapeneko lehen postuan 9-2 Bidania-Goiatzi irabazita. Partida orekatua izan zen lehen zatian, baina bigarrengoan kanpotarrek fisikoki behera egin zuten, eta etxekoek neurketa erabaki egin zuten.

Alebinetan Bidania-Goiatzek eta Ikaztegietak ihes egin die gainerakoei eta sailkapeneko lehen postuan daude berdinduta. Bidania-Goiatzek 4-1 irabazi zion Abaltzisketako Txalburuk taldeari. Lehen zatiko azkeneko minututean hasi zen neurketa apurtzen, eta gero etxekoek ez zuten barkatu.

Ikaztegietak, berriz, 3-6 irabazi zuen Lizartzan. Etxekoak partidan sartuta egon ziren azken hamar minutuak arte, baina hortik aurrera kanpokoek ez zuten barkatu.

Beste partidan, Leaburuk denboraldiko bigarren garaipena lortu zuen Igeldori 10-2 irabazita.

Benjaminetan, Txalburuk jarri da sailkapeneko lehen postuan, Bidanian 1-5 irabazi ostean. Emaitzak erakusten duen bezalaxe, Abaltzisketakoak gehiago izan ziren.

Beste partidan, Igeldok 2-11 irabazi zuen Leaburun. Emaitzak dena erakusten du.

 FVFS