Hastera doa Gipuzkoako Herri Txikietako Txapelketa, eta aurtengoa hirugarren aldia izango da. Talde berriak ere etorriko dira, gainera.

Iaz Bidania-Goiatzek mikrofutsalean izan zuen bakarrik taldea, baina aurten bai benjamin eta baita alebinen mailetan ere izango du.

Lehen aldiz, berriz, etorriko da Igeldo, txikienen bi mailatan jokatzeko. Aurreneko aldiz, ordea, aurten infantil-kadete maila ere jokatuko da.  Hasteko hiru talderekin abiatuko da lehiaketa berri hau.

Txapelketa  hasten lehenak alebinak izango dira. Bertan, Ikaztegieta, Ikaztegieta-Baliarrain, Bidania-Goiatz, Lizartza-Orexa, Txalburuk, Leaburu eta Igeldo lehiatuiko dira. Liga urriaren 17tik 19rako asteburuan abiatuko da, eta amaitu martxoko bigarren astean bukatuko da.

Ondoren Kopa jokatuko da. Benjaminetan, Lizartza-Orexa, Leaburu, Txalburuk, Bidania-Goiatz eta Igeldo arituko dira. Azaroaren 7tik 9rako asteburuan hasi, eta otsailaren erdian amaituko da. Hemen ere, gero Kopa jokatuko da.

Azkenik, infantil-kadeteen mailan, Ikaztegieta, Lizartza-Orexa eta Altzo arituko dira. Azken talde hau ere lehen aldiz arituko da. Azaroaren 7tik 9rako asteburuan hasi eta otsailaren erdian  amaituko da.

Ondoren Kopa jokatuko dute. Hiru mailetan, Kopa  jokatzerako garaian deialdia berriro zabalduko da, eta talde berriren batek sartu nahiko balu, aukera izango luke.

Alebinen mailan, mikrofutsaleko zirkuitoa ere jokatuko da, eta iaz bezala hiru egun izango ditu, eta horrekin amaituko da denboraldia, maiatzaren hasieran.

Alebinen Liga hirugarren aldiz jokatuko da. Aurreko biak Abaltzisketako Txalburuk taldeak irabazi ditu.

Benjaminena, berriz, bigarren aldiz jokatuko da. Aurrenekoa Ikaztegietak irabazi zuen. Aurten, ordea, denak alebinetara pasatu dira, eta  Ikaztegieta-Baliarrain taldea izango da.

Aurten aurreneko aldiz, guraso batzuek futwall kirol berria probatu eta jokatuko dute. Hasteko azarotik abendura Buruz Buruko Torneoa jokatuko dute. Ikaztegieta, Beizama, Leaburu A eta Leaburu B lehiatuko dira. Beizama ere lehen aldiz arituko da herri tikixteako lehiaketa batean.

FVFS